Stogg i fiske i Omvikedalselva i Kvinnherad

Vedtaket gjeld alt fiske i Omvikedalselva så langt opp laks og sjøaure kan vandre, samt i 100-meterssona i sjøen utanfor vassdraget.

Bakgrunnen for vedtaket er at det har vore eit utslepp av gjødsel til elva, som har teke livet av store mengder av alle årsklassar av laks og sjøaure. Fylkesmannen har vurdert det naudsynt å stogge fisket til stammane av laks og sjøaure har fått restituert seg. Det er usikkert kor lang tid dette vil ta. Mellom anna vil det vere naudsynt at alle gjødseltankar langs vassdraget vert sikra slik at ikkje slike uhell kan skje fleire gongar. Vedtaket gjeld difor inntil vidare.

Vedtaket kan påklagast til Direktoratet for naturforvaltning via fylkesmannen si miljøvernavdeling etter reglane i kap. VI i forvaltningslova. Eventuell klage må fremjast innan 3 veker frå vedtaket tek til å gjelda, dvs. frå det tidspunkt melding er motteke.

Med helsing

Kjell Kvingedal e.f.

Atle Kambestad

seksjonssjef

fiskeforvaltar